schadaufestival z thun

letscht weekend beni z thun am schadaufestival gsi. met de meli vo solothorn beni uegfahre, han met ehre im zelt pennt ond thun city onsicher gmacht... au d claudia, tamara, sibylle, steffi, fabienne, monika u d sabine hemmer atroffe beziehigswiis gseh... u natürli ritschi, bali, simi, hunzi, röschel, christina, debi u so... hehe... esch de hammer gsi!

es send mr ebe paar ziile in sinn cho, u alls wege dere blöde füürstell…

…ausooo:

sesch eifach de hammer gsi das weekend,
schad, goz amis so schnell z änd.
mer hends mega gnosse
bis ois d securities hend usegschosse.

z brittnau am samschtig früäh scho
hanech mi erscht isatz gho.
am nordwestschwiizerische örgelifescht
hemmer es resultat erziilt – fascht s bescht.
(intressiert zwar kene, esch abr för mich halt en bombestart is weekend gsi.. thx HSRW…)

super gluunt beni dä of solethorn gfahre
u ohni noie „bäckerei offen“-chreisel hättimi o nid verfahre.
jo e riise boustell esch das solethorn,
das esch mer es aug im dorn.
(ää ongkehrt…)

bes thun-süd em plüsch-pöscho,
u dä di recht statt lingg stross gno.
ufem parkplatz hemmer no e guet tat gmacht,
de nächst hed sech secher z tot glacht…

s zelt esch dä irgeneinisch gstande,
d cämping ufnahmeprüäfig hemmer dmfall bestande.
user paar hering chli chromm,
abr om d schriner-witerbildig – mr kömmere üs drom.
(gäll meli… u sös no so körs… )

mer hend ois em hawaii-felling of anti-rege igstellt,
abr de rege esch ned cho, wer hed de bstellt?
s festival esch abr ä so cool gsi,
de slädu, aextra, lovebugs, all si debi.

u am zwölfi esch dä schloss,
wittergfestet werd ede stadt oss!
welle de thuner go sälü säge,
abr die si all scho glege.

gschlofe hemmer zwoi drüü stond,
mol luege wie das usechond…
d meli esch am morge scho voll fit
u d chregi seit ou shit.

spöter dä ufem festival-glend,
womer praktisch jede kennt:
sibylle, steffi, fabienne, tamara,
d halstüechli-fraue u natürli d meli u d claudia.

bes am 10 ab 5i hemmer müesse warte,
bes s bescht chonnt för die festival-charte.
scho bim polo hemmer amis hinderegschelled,
wie gabi u so ufstelle u ischpelled.
(naja…vor allem ufstellet u heimlich mitshäked, gäll bali… )

när send d „frottee-viecher vo interlake“ endli da,
vom erschte ton weg hends vollgas ghä.
mer hend üs gfroit öber s paar noii sache
nor de heiweh öbergang hettemer lieber wie früehner welle mache.
(abr esch scho cool so, früähner hets halt meh gfägt… )

du stüürsch üses ufo a jedere füürstell verbi,
bim noie ufo-tegscht simmer noni so debi.
abr am hoch-ybrig chömmer dänn de,
ehr werdets gseh!
(aso nor velecht… …o-o-ooh chömmer amel scho…hehe)

u för es paar rappe
hed au d tanja chönne met-jumpe.
igschlofe wär fascht s grosi voredra,
abr us prinzip hetisi ois nie vörelaa.
(mer mache niemeh platz im buss för grösis, wo nöd guet chönd stoh…)

sesch voll de börner gsi,
chli gschafft esch au de ritschi.
sorry, dassmer di dä no öberfalle hend,
abr ehr müänd wörkli ned, wenner ned wend!!
(ehrli, das isch würkli so! mr hend verständnis drför!)

jo was schribi hie no lang, eigetli hend die unde dra
scho zemmli alls verzellt gha.

ehr görls, wo alli z thun gsi send,
wer seit, dassmer ned wedr mol döf si wie chend?
mer hends eifach immer voll lostig zäme,
e wett nid, e hätt oi nid lehre kenne!!

the plüschlers send halt super, es hed gfägt,
de bode hed so rechtig bebt!
bes mer wedr chömed sends no azahl nächt vier,
am hoch-ybrig trinke mer dä es bier…
(odr ä nid, sesch halt so schön ufgange. odr eis mit litschi-gschmack, gäll meli… )

...ja das esch de hammer gsi...

hie no es paar bildli - guckst du:

PLÜSCH
...eifach emmer de hammer...

AEXTRA
...yes...es picture metem schibä...esch e geile typ...

VOLT ...slädu, t.j., bligg...
...wenn die dänn i paar johr d welt eroberet hend, chömer sege, mer hend si a ehrem erschte gig gseh...

BASCHI
...de hed eifach kei stimmig öberebrocht...

LOVEBUGS
...ja dene ehri effekt kenni ez dä langsam. han die bänd scho s dritte mol ghört, u naja...das verleidet mer halt dä eifach. abr d stimmig isch mega gsi!

LUKA BLOOM
...de alleiunterhalter vo irland hed voll früähschoppe-stimmig gmacht!!



ANDREAS VOLLENWEIDER & FRIENDS
...die hani voll cool gfonde... met s paar eifache sache musig mache - so de hammer!











PHILIPP FANKHAUSER Oktett
...semmer doch ehrli, das hed ned so gfägt.





HANERY AMMAN feat. POLO HOFER

...velecht müässt mer d tegste mol lehre... aso alperose u teddybär esch glaub s einzige gsi, woni ha chönne... abr zom luege hets nor ein höbste gha...de perkussionischt , wo obe scho gspellt hed...