de teddybär z ascona

well d marie u ech no ned gwösst hend, was mer met dem samschtig sellet mache, hemmer en abstecher is tessin gwogt. :-)


marie - la copilote... of französisch, tütsch u italienisch het si mer de weg gwese u för onterhaltig gsorgt... *g* ...ech sege nomme..."ho comprato" (zom glöck verstohni ke spanisch u chinesisch, sös hetsi met dem au no agfange. english hemmer komischerwiis kes wort gredt...)


ofem mount gotthard (odr so...) hed d madame la copilote super föteli gschosse!!


em wonderschöne tessin esches so heiss gsi...


...dass mer e glacé scho vertreit hend! :-)


paar plakat no zämegsammlet, wo a jedem egge send ghanget... ;-)


vor de "töre" echli of alli gwartet:
marie, claudia, heidy, meli, märcu, steffi, halstüechlifraue
...u när voll abdänced u abgsonge u s loschtig gha! ;-)


d vorbänd VAD VUC esch scho mol recht cool gsi. das hed grockt...äääh...g'irished. ;-)

när PLÜSCH voll i feriestimmig, so richtig glöst u frei vor lebere hend si gspellt. ganz andersch als e woche vorher ofem gurte! ;-) halt ned so pingelig u perfekt. u bali hed vollgas ghä met blonde fraue met roserote tischis nocheluege... u simi hed vollgas ghä bim of italienisch öbersetze - esch leider nor bi eim satz zo wort cho... well ritschi hed vollgas ghä mit schissdreck verzelle. ;-) wen wunderets...

nachem konzi hed bali min filzschtift (jaja sogar en originale...) halbe gleert u ritschi hed schö brav all oisi wönsch erföllt u feschtgstellt, dass alli donde ide ferie si u nid extra agreist - aso fascht. hihi.