everyday life in kiwiland...

...han denkt, ech geb mol en iibleck is alltaegliche lebe, do in kiwi city:

nacheme schnelle breakfast (=schnelle pause) met toast u schwarztee, wenns guet chonnt e kiwifruit odr e banane, goend d kiwis gmuetlich of de bus, wo ueblicherwis relativ poenktlich isch. z frueh sends eher ned, z spot hoechstens zeh minute. wobi...nach welere uhr si au immer fahred...d devise heisst, never trust a public watch - of oeffentlichi uhre chasch i dem land definitiv ned go! do hesch am gliche geboide mehreri uhre...eini met winterzit, di ander metere halb stond vor odr nach...

fascht grennt werd denn d queen street druf und drab. ond di coole chruezige wos do hend. wenn alli autos stoend, hend d fuessgaenger gruen ond denn werd chruez ond quer diagonal ond soes verchehrt oeber d chruezig grennt.

gluncht werd daenn ergendwo imene cafe, ide university odr soes amene egge, wos food get - maengmol chli fettiger, maengmol weniger. im park chamer sech vode sonne lo grilliere lo. wenn naemli de wind ned goht, brennt si extrem abe.

apropos wind ond wetter... schirm esch absolut out. das esch es instrument womer do setti vermiide ond wemmer trotzdem wott mit schirm omelaufe, denn besser eine vo dem lade, womer es johr garantie hed ond ehn emmer wedr cha omebrenge wenner brecht... hahaha

zobig werd denn nochli sport gmacht ade waterfront... hei, das volk wos dete amigs hed, onglaublich!

....oder mer fahrt metem auto of eine vo dene onzaehlige volkaen ufe, parkiert dobe, stiegt us, luegt ome ond fahrt wedr abe. cool. odr.

nacheme zoenftige ned z chliine znacht luegt mer denn no de weather forecast... ech glaube ech gange dete ez daenn alls ushilf....ech meine, veraenderlich chan jo jede sege...

...das ond no vell esch do alltag. maengisch beobachtet mer echt di strangste sache... :-)