...gad us taupo

hello world!!

ezig gad setzich vor sonere laahme chischte vode sorte computer u versueche mini mailbox z oeffne... ;-) dosse hets de ganz tag meh odr weniger wie us choebel gschiffet - scho geschter - u ez gad duet d sonne so, als woer si gli mol no cho. mer wartet hie in taupo of jedefall mol nochli bes mer denn choend go kayake u so, u naer de is tongariro massiv ufbrechet... schoes wetter waer halt pflichtprogramm...

...abr ebe... bes ezig hemmer of jedefall einigermasse gloeck gha. meischtens hets am morge echli gregelet u am nomi denn uftue.

in coromandel hemmer extrem schoeni beaches (met wiisem sand) gseh u soes hammer landschafte, echli berge, waelder (met silver fern), die coole boim wo ez roti bluete hend u am hot water beach hemmer e provisorischi badwanne grabet u hend denn zwar ke gloeck gha met de position vo oisem pool, abr s heisse wasser vode nochbere becho. ;-)

einisch semmer no of de mt. maunganui ufegloffe u hend e hammer ussicht gnosse vom gipfel vo dem erloschene volkan.

meteme stop im moeffelige thermal rotorua (fuuli eier) semmer ez in taupo glandet, das esch ongfaehr ide mitti vode nordinsle, dete wo de grossi see isch. ;-)

es paarne loschtige luuetli semmer scho oeber de weg gloffe... vom taenzer us paris zode filmmacheri us london u em bierschluerfende aussi zode tratschitante us duetschland... u natuerli es paar anderi (kiwi-)voegel.

gli esch ziit zom oepis of oisi teller z zaubere... s paar vedges, riis u ergendsone noiseelaendischi soose gez hoet. en guete!

cheers everybody...take care...and merry christmas!
captain cook