gad us wanganui...

hi everybody!

ech han gad mini mailbox tschegget...hehe. merci foers foelle, ech beantwortes denn es anders mol. ;-) (froie mech abr immerno oeber jedes mail.) ech hoffe, ehr hend alli schoeni wiehnachte gha u so... bi mer esch ned so d stimmig ufcho, obwohls gwindet u gschiffet hed u chalt gsi isch... ja mit ehre tasse tee ide schtube esch denn wenigstens es bitzli so oepis wie wiehnachtsstimmig ufcho... ajo ond natuerli met oisne selbergmachte (!) druue (!) sorte guezli!!! mmmmh!

abr s get no wichtigers z verzelle, s einte gschichtli esch eher es maerli metem titel 'fruesch gwaesche' u nomme muendlich z oeberlefere... au s gschichtli metem titel 'im freie fall' verzelli denn em maerz, abr s gschichtli metem titel 'gipfelstuermer' chonnt ezig, esch abr nor halb so weld wie di andere zwoi...:

zwei taeg vor wiehnachte semmer em tongariro nationalpark glandet. de backpackers dete esch de schrecklichst gsi bes ezig, abr d wanderig, de tongariro alpine crossing, esch de hammer gsi! steil eschs ufe gange i dere vulkanlandschaft u obe droffe es goldigs plateau, echli witer en rote crater ond do ond dete an stahlblaue see, rondome gelbs schwefelzuegs... gseht ned gad gsond us, au die daempf oeberall... es esch de hammer gsi, so 6-e-halb stond ober d berge z laufe...

uuups, ech ha nor no 1 minute... schnell speichere.

cheers,
captain cook from wanganui (am rhii vom andere endi vode welt)