gad us CHCH

hello everybody!

...sit dunedin esch wedr einiges gange... mer send mol z omarama voll em zuuegs osse emne mega coole backpackers glandet, u daenn of aoraki/mt cook village go luege wies dete so esch... d landschaft esch jo amazing u mer hend 2 super taeg gha, womer de hoechst berg vo noiseeland gseh hed (de dritt esch bewoelkt gsi...), aaaabr...well s YHA mt cook di einzig goenschtig unterkunft esch, hets dete allerhand foer luuet, vom baby bes zom urgrosi u vom duetsche zom asiat, u das get en ort wo mer ned so gfallt. ech meine, ech han jo oeberhaupt nuuet gege verschedni luuet vo verschedne ort, abr chli froendlich u ned es riiise chaos ide chochi hinterloo, waer doch no guet foer e positivi stimmig. ;-) tja, huerre schad.

drom semmer denn a eim tag au via de mueller gleschter, de mueller lake u d mueller moraene zomne andre see gloffe, womer kei problem gha hend of stei oepe druee stond lang z relaxe... esch das es troimli gsi. echli en wind om d ohre, s ruusche vom iischalte wasser, im hintergrund de met schnee bedeckti aoraki u soes no en huufe gipfel...

u denn semmer no of lake tekapo, ede mitti vonere landschaft wo echli wiene wueschti usgseht...u dete gez au en see, wo e farb het, woni no nie gseh han... milchig-hellblau...odr so aehnlich choennt mer das beschribe... esch ja de hammer gsi. au de lake pukaki (odr so) wo ofem weg of mt cook village esch het ois voll hahne us de socke ghaue...

...ez semmer no es paar naecht do z CHCH, u denn send die lange ferie woni zemme met de michele verbrocht han leider scho verbii... mer hends voll guet zaemme gha u hend ned einisch krachet... ;-)

also...tschuess zaemme... bis gli vomne andre ort... hihi.
captain j. cook

ps: ...gaaaanz en huufe BILDLI JETZT ONLINE!! enjoy...