arrived. hello switzerland.

...nachere monschterreis, wo sage ond schreibe 39 schtond hed dured, benich 'backhome' öber d törschwelle tramped.

di meischte vo mine allerliebschte lüüt hend mech empfange, odr ech han si am letschte weekend sös gseh. sesch mega schön, met dene lüüt zäme z sii, wo di kenned u wod öber alles chasch rede (ond lache). ;-)

am letschti mäntig benich dänn gad wedr go schaffe u au die em gschäft hend froid gha, dassich heil wedr heicho ben. ech fends so odr so de hammer, dassich eifach wedr han chönne iesitze, am gnau gliche ort, wonich vor mim osslandufenthalt ufghört han. ech han zwar dozmol scho gseit, ech wär sowieso gange, abr wer weiss, öb echs dänn au wörkli gmacht hätt. e wett ned dra denke, was ich alles verpasst hätt. drom benich mega dankbar e dene vom gschäft, wo mer das bewilligt hend.

jo ond ezig benich wedr do i de schwiiz u schlo mech met ganz 'neuem' züüg ome. es halbs johr hanich nüüt vo chrieg, wirtschaftsproblemli, pessimismus u engstirnigkeit metbecho... es gilt ez, sech wedr drazgwöhne. wohl oder übel. ech hoffe, ech verlüüre di gwonnig offe- ond lockerheit ned gad wedr e zwe woche...
dänn blibt mer norno allersits fröhlichs schoggihase-esse zwönsche ond vell spass bim föteli aluege... ech han no es paar vo dene fascht 12'000 (ech han 14'438 mol abdrockt...) bhaltete bildli online gstellt...
cheers,
chregi